السياحة في الفيوم - كيف تقضي رحلة سعيدة بأقل التكاليف

السياحة في الفيوم - كيف تقضي رحلة سعيدة بأقل التكاليف
    على الرغم من أن الفيوم ليست محافظة سياحية في المقام الاول
    أن فيها الكثير من المناظر الطبيعية، والكثير جدًا من الأشياء التي يُمكنك أن تفعلها هناك 
    ولهذا كتبنا لكم هذا المقال، وسننقل لكم تجربة إحدى المُسافرون العرب 
    وهو الأستاذ : عمرو أيمن حامد 
    والذي نشر تجربته في السفر إلى الفيوم بأقل التكاليف على واحدة من مجموعات الفيس بوك
    الخاصة بالسياحة، فهل أنتم مستعدون لتقرأوا ما كتبه لنا هذا المُسافر؟ 
    السفر إلى الفيوم - السياحة في اليوم - طريقة عمل كامبين في الفيوم - أماكن للخروج في الفيوم - أماكن للسياحة في الفيوم
    السياحة في الفيوم - كيف تقضي رحلة سعيدة بأقل التكاليف 

    السفر والسياحة في الفيوم بأقل التكاليف 

    الفيوم ، بس المرة دي بنظرة مختلفة تماما
    هتكلم النهاردة عن ازاي تعمل كامبينج في الفيوم و تبقي لوحدك تماما في المكان
    اولا المواصلات : 
    تقدر تركب من الرماية عربية ابشواي ب 20 جنيه و هتنزل مفارق ابشواب و تركب عربية بوكس ب 4 جنيه لحد يوسف الصديق و من هناك تركب عربية بوكس بردو رايحة مكان اسمه قرية الولاء ب 5 جنيه 
    ثانيا المكان :
    احنا كنا موجودين في مكان إسمه رأس الهلال في وادي الريان بعد الشلالات بشوية و قدام شط البحيرة بالظبط
    وصلنا للأسف متأخر و روحنا الكامب و استقبلونا احسن استقبال بس كان معانا الخيم بتاعتنا و خيمنا فيها بليل و كان معانا لحمة و شوينا و شوينا بطاطا بردو و شربنا شاي مطروحي كنا واخدينه معانا 😂
    و بعدين قعدنا نراقب النجوم خصوصا ان القمر مكنش موجود يومها ف كان المنظر حلو اوي 
    بعدين صحينا الصبح علي صوت القطط هناك و قدامنا منظر تحفة عبارة عن البحيرة و الطيور المهاجرة و الصحرا! 
    فطرنا و جهزنا شنطنا و قولنا نتصور بقي! 
    الصور دي اتصورت الساعه 8 الصبح و المكان بصراحه حلو اوي و فيه افكار صور رهيبة و جديدة خصوصا ان فيه غرود رملة و بحيرة و طيور و فيه نباتات صحراوية كمان 
    و خلصنا تصوير و بعدين رجعنا القاهرة بنفس المواصلات اللي جينا بيها

    ملحوظات : 
    المكان مناسب جدا انك تروح و ترجع ف 24 ساعة 
    انت بتكون ف المكان لوحدك و ده انسب حاجه للاستجمام
    فيه هناك قطط أليفة و برية حلوين اوي 
    لازم تبقي عامل حسابك ف الماية و الاكل كويس 
    التكلفة كلها ممكن تكون في حدود 150 جنيه مثلا 
    و ممكن بعد كده تزور الشلالات و تتبسط بردو 
    لو حد عاوز رقم صاحب الكامب ممكن اديهوله


    إرسال تعليق

    ننقل تجاربنا إليكم