القواعد العشرون للسفر

القواعد العشرون للسفر
    منذ عدة سنوات نشرت الكاتبة التركية إيلاف شفاف رواية تحمل اسم قواعد العشق الأربعون
    ومن وقتها أصبح من الطبيعي أن تُقسم أي قواعد إلى عشرون أو أربعون قاعدة 
    فمثلًا ستجد مقالات كثيرة بعنوان:

    • قواعد تشجيع الأهلي العشرون
    • قواعد الاستماع إلى كلام معلمين الأربعون 
    واليوم جلبنا لكم مجموعة من القواعد الجديدة وهي قواعد منقوله من إحدى مجموعات السفر على الفيس بوك

    تحت عنوان القواعد العشرون للسفر
    وهو بالطبع مقال موجه إلى مُحبي السفر والسياحة من زوار موقعنا الكرام.
    قواعد السفر - أشياء يجب عليك فعلها قبل السفر - هذه القواعد ستفيدك في السفر - لو أول مرة تسافر اقرأ المقال - أول مرة أسافر - ماذا أفعل قبل السفر
    القواعد العشرون للسفر 

    القواعد العشرون للسفر 

    1- متقولش إنك مسافر إلا بعد ما تسافر 😄
    2- متسافرش في وقت حر أوي او برد اوي عشان سوء أحوال الجو ممكن تمنعك من متع كتير
    3- متسافرش مع مجموعة فيها حد مش بترتاح معاه
    4- متسافرش مع حد أناني عموماً مش هتتبسط ابدا ولا هتعرف تعمل حاجة نفسك فيها
    5- متسافرش مع حد مش شبهك وعكسك في حاجات كتير جدا
    6- اوعي تفوت لحظة حلوة من غير ما توثقها بالصور
    7- لازم تقعد في مكان مرتاح فيه مش مهم يكون غالي بس مهم جدا تكون حاسس انه كأنه بيتك منتش غريب جواه
    8- حاول علي أد ما تقدر لو عايز تتبسط بجد إنك تسافر لوحدك مع نفسك.. مع نفسك هتعرف تاخد قرارات بسهولة دة غير الفصلان والاستجمام والشعور بإنك مش متأيد بحد معاك
    9- لو سافرت مع اكتر من فرد مش شرط خالص إنك تربط نفسك بيهم في كل حاجة إنت مش عيل صغير اتحرك براحتك وقت ما تحب في المكان اللي تحبه طالما هتبقي مبسوط متستناش لحد ما كل اللي معاك يقرروا هتروحوا فين لإنك هتلاقي كل واحد برأي ووقتك نصه هيضيع عا الفاضي. 
    10- مش شرط تروح الأماكن المشهورة ساعات مش كل الأماكن المشهورة بتكون حلوة استكشف إنت أماكن جديدة محدش يعرف عنها حاجة أو محدش بيروحها كتير
    11- لو مسافر جوة مصر حاول متروحش اماكن قريبه سهل ان يطب عليك فيها اي حد رخم 😄
    12- لو مسافر برة مصر امشي بكوبي من البسبور وخلي الاوريجنال في الاوتيل لأنك ممكن تتسرق او حاجتك تضيع او يوقع منك. 
    13- لو مسافر برة مصر حاول تتعرف علي ناس جديدة وتكون صداقات في البلد اللي روحتها وتكتسب ثقافة جديدة
    14- حاول تتعلم وتعرف في لغة البلد اللي انت رايحها الحاجات المهمة في التعاملات اليومية في المطاعم في الاوتيل في المواصلات لأن مش كل الشعوب بتتكلم انجليزي كويس زي تركيا مثلا معتزين جدا بلغتهم ومش بيحبوا يتكلموا إلا بيها..
    15- اكتب يومياتك في خلال الرحلة في نوت او دفتر صغير واكتب إحساسك وشعورك بأي تجربة مريت بيها دي هتبقي في الميمو وهتفتكرها وهتفرح بيها وكمان ممكم تحب تستخدمها مرة تانية لو كررت التجربة في نفس البلد اسامي الأماكن اللي روحتها كلها..
    16- اشتري الحاجات النادرة أو الغريبة اللي مستحيل هتلاقي زيها في مصر مش هدوم وكلام من دة
    17- متشتريش هدايا إنت مش متغرب وراجع من الخليج ومش ملزم انك تضيع وقتك وفلوسك في اللف علي حاجة لغيرك
    18- متنمش كتير ومتسهرش لوقت متأخر اوي وخد اليوم كله من أوله ومضيعش وقت جوة الاوتيل او في النوم عشان هتندم علي كل دقيقة ضيعتها. 
    19- امشي في البلد أكتر ما تركب مواصلات المشي بيخليك تشوف اكتر وتكتشف أماكن اكتر
    20- متقولش لحد إنك رجعت مصر بعد ما ترجع استني اسبوع كمان كدة ولا حاجة عشان محدش يفصلك من المود الحلو اللي انت رجعت بيه 😄😄😍
    رحلة سعيدة 

    إرسال تعليق

    ننقل تجاربنا إليكم